ກອງປະຊຸມການລົງສໍາຫລວດພາກສະໜາມກ່ຽວກັບການສຶກສາຄວາມເປັນໄປໄດ້ຂອງໂຄງການປັບປຸງຍົກລະດັບສະຖາບັນເຕັກໂນໂລຊີການສື່ສານຂໍ້ມູນຂ່າວສານ ດ້ວຍທຶນຊ່ວຍເຫລືອລ້າ ຈາກລັດຖະບານ ສປ. ຈີນ.

ໃນຕອນເຊົ້າຂອງວັນທີ 13 ທັນວາ 2019, ທີ່ ຫ້ອງ​ປະ​ຊຸມ​ກະ​ຊວງ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສ​ື່​ສານ, ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ,ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ,ໄດ້ລົງນາມບົດບັນທຶກກອງປະຊຸມການລົງສໍາຫລວດພາກສະໜາມກ່ຽວກັບການສຶກສາຄວາມເປັນໄປໄດ້ຂອງໂຄງການປັບປຸງຍົກລະດັບສະຖາບັນເຕັກໂນໂລຊີການສື່ສານຂໍ້ມູນຂ່າວສານ ດ້ວຍທຶນຊ່ວຍເຫລືອລ້າ ຈາກລັດຖະບານ  ສປ. ຈີນ. ຮ່ວມກັບ ທ່ານ ວາງ ຊີ ຮຸ້ຍ  ຕ່າງໜ້າຝ່າຍຈີນ, ທີ່ປຶກສາດ້ານເສດຖະກິດ ແລະ ການຄ້າ ປະຈຳ ສປປ ລາວໂດຍໄດ້ຮັບການມອບໝາຍຈາກ ອົງ ການຮ່ວມມືສາກົນ ເພື່ອການພັດທະນາແຫ່ງຊາດຈີນ (CIDCA) ສປ.ຈີນ. ການລົງນາມບົດບັນທຶກສະບັບນີ້ແມ່ນເພື່ອເປັນບ່ອນອີງ ໃນການກຳນົດແລກປ່ຽນການຊ່ວຍເຫຼືອຫຼ້າຢ່າງເປັນທາງການ ໃນການກຳນົດເປັນໂຄງການ.

ການລົງນາມໃນຄັ້ງນີ້ ສະແດງຂອບໃຈຢ່າງສູງໃນການຊ່ວຍເຫຼືອມາຍັງ ທ່ານ ວາງ ຊີ້ ຮຸຍ ທີ່ປຶກສາດ້ານເສດຖະກິດ ແລະ ການຄ້າ ສະຖານທູດ ສປ ຈີນປະຈຳ ສປປ ລາວ ແລະ ຄະນະປະສານງານທີ່ຊ່ວຍຊຸກຍູ້ບັນດາໂຄງການຂໍການຊ່ວຍເຫຼືອຈາກ ສປ ຈີນ, ບໍ່ວ່າຈະເປັນການຊ່ວຍເຫຼືອທາງດ້ານໂຄງການ ຫຼື ການຊ່ວຍເຫຼືອທາງດ້ານການຝຶກອົບຮົມໃນແຕ່ລະປີ ທີ່ທາງກະຊວງ ປທສ ໄດ້ຮັບໂດຍຜ່ານ ຫ້ອງການຄະນະກຳມະທິການຮ່ວມມືລາວ-ຈີນ.

ແຫຼ່ງ: ກະ​ຊວງ​ເຕັກ​ໂນ​ໂລ​ຊີ ແລະ ການ​ສື່​ສານ/17/12/2019