ເຊັນສັນຍາຮ່ວມມືວຽກງານການກວດກາ ແລະ ຢັ້ງຢືນ ມາດຕະຖານເຕັກນິກ ຂອງອຸປະກອນໂທລະຄົມມະນາຄົມ ແລະ ການສື່ສານ

ກະຊວງເຕັກໂນໂລຊີ ແລະ ການສື່ສານ(ກຕສ) ແລະ ບໍລິສັດ ລືໄຊຈະເລີນ ຈໍາກັດ ລົງນາມເຊັນສັນຍາຮ່ວມມືກັນໃນການຈັດຕັ້ງປະຕິບັດວຽກງານກວດກາ ແລະ ຢັ້ງຢືນມາດຕະຖານເຕັກນິກອຸປະກອນໂທລະຄົມມະນາຄົມ ແລະ (Information Communication Technolog (ICT)) ໃຫ້ຖືກຕ້ອງຕາມກົດໝາຍ, ລະບຽບການຂອງ ສປປ ລາວ ແລະ ສອດຄ່ອງກັບແນວທາງນະໂຍບາຍລະບຽບການຂອງ (International Telecommunication Union (ITU)) ຮັບປະກັນວ່າ ອຸປະກອນໂທລະຄົມມະນາຄົມ ແລະ ICT ໄດ້ມາດຕະຖານ, ຮັບປະກັນຄວາມສາມາດ ແລະ ຄວາມປອດໄພຂອງອຸປະກອນ ຕາມຫຼັກເຕັກນິກວິຊາການທີ່ກະຊວງເຕັກໂນໂລຊີ ແລະ ການສື່ສານ ໄດ້ກຳນົດ.

        ທ່ານ ໄຊລືຊາ ອິນສີຊຽງໃໝ່, ຫົວໜ້າກົມຄື້ນຄວາມຖີ່ວິທະຍຸສື່ສານ, ກຕສ ໄດ້ໃຫ້ຮູ້ວ່າວ່າ: ໄລຍະຜ່ານມາການພັດທະນາດ້ານເຕັກໂນໂລຊີການສື່ສານ ແລະ ຂໍ້ມູນຂ່າວສານ (ICT) ໄດ້ພັດທະນາຢ່າງກ້າວກະໂດດ ໂດຍສະເພາະແມ່ນການພັດທະນາຂອງອຸປະກອນໂທລະຄົມມະນາຄົມ ແລະ ICT ສຳລັບ ສປປ ລາວ ເປັນປະເທດທີ່ນຳເຂົ້າອຸປະກອນ ໂທລະຄົມມະນາຄົມ ແລະ ICT ຈາກຕ່າງປະເທດ ໃນໄລຍະຜ່ານມາຍັງບໍ່ໄດ້ມີການກວດກາເພື່ອຮັບປະກັນມາດຕະຖານເຕັກນິກດ້ານຕ່າງໆເຊັ່ນ: ມາດຕະຖານການກະຈາຍຄື້ນຄວາມຖີ່ (Radio Frequency (RF)), ມາດຕະຖານຄວາມເຂົ້າກັນໄດ້ຂອງຄື້ນໄຟຟ້າແມ່ນເຫຼັກ (Electromagnetic compatibility (EMC)), ມາດຕະຖານຄວາມປອດໄພຂອງການກະຈາຍຄື້ນຄວາມຖີ່ (Electromagnetic field (EMF)), ມາດຕະຖານຄວາມປອດໄພກ່ຽວກັບອັດຕາດູດກືນພະລັງງານຄື້ນຄວາມຖີ່ຂອງຮ່າງກາຍ (Specific Absorption Rate (SAR)), ມາດຕະຖານການເຊື່ອມຕໍ່ ແລະ ມາດຕະຖານອື່ນໆ ເພື່ອໃຫ້ສອດຄ່ອງຕາມມາດຕະຖານທີ່ ກຕສ ໄດ້ກຳນົດ ແລະ ຖືກຕ້ອງຕາມລະບຽບມາດຕະຖານສາກົນ.

         ທ່ານຍັງກ່າວຕື່ມວ່າ: ໃນປັດຈຸບັນ, ຍັງມີຫຼາຍໆອຸປະກອນໃນທ້ອງຕະຫຼາດທີ່ບໍ່ໄດ້ຄຸນນະພາບ ແລະ ການນຳເຂົ້າຍັງບໍ່ທັນໄດ້ມີການກວດກາຢັ້ງຢືນມາດຕະຖານເຕັກນິກ ຊຶ່ງມັນອາດຈະສົ່ງຜົນກະທົບຕໍ່ສຸຂະພາບ ແລະ ຄວາມປອດໄພ ຂອງຜູ້ຊົມໃຊ້ ແລະ ລົບກວນການເຮັດວຽກຂອງອຸປະກອນ ແລະ ເຄື່ອຂ່າຍອື່ນໆ ໂດຍສະເພາະວຽກງານ ປກສ-ປກຊ. ສະນັ້ນ, ວຽກງານການກວດກາ ແລະ ຢັ້ງຢືນມາດຕະຖານເຕັກນິກອຸປະກອນໂທລະຄົມມະນາຄົມ ແລະ ICT ແມ່ນມີຄວາມສຳຄັນ ແລະ ຈຳເປັນທີ່ສຸດ ເພື່ອຮັບປະກັນວ່າອຸປະກອນຕ່າງໆເຊັ່ນ: ໂທລະສັບມືຖື, ແທັບເບຣັດ (Tablet), ສະຖານີຮັບ-ສົ່ງສັນຍານໂທລະສັບເຄື່ອນທີ່ ແລະ ອຸປະກອນສື່ສານອື່ນໆ ແມ່ນໄດ້ມາດຕະຖານ, ຄຸນນະພາບ ແລະ ຄວາມປອດໄພ ກ່ອນນຳເຂົ້າມາຈຳໜ່າຍ ແລະ ນຳໃຊ້ພາຍໃນ ສປປ ລາວ ແລະ ເພື່ອຮັບປະກັນໃຫ້ປະຊາຊົນກໍຄືຜູ້ຊົມໃຊ້ໄດ້ນຳໃຊ້ອຸປະກອນທີ່ມີຄຸນນະພາບໄດ້ມາດຕະຖານ ແລະ ປອດໄພ. 

         ພ້ອມດຽວກັນນັ້ນ, ທ່ານ ຂັນທອງລືໄຊ ອິນທະວົງ, ປະທານ ບໍລິສັດ ລືໄຊຈະເລີນ ຈໍາກັດ ຍັງໄດ້ກ່າວວ່າ: ວຽກງານການກວດກາ ແລະ ຢັ້ງຢືນມາດຕະຖານເຕັກນິກອຸປະກອນໂທລະຄົມມະນາຄົມ ແລະ ICT ເປັນວຽກງານທີ່ທຸກປະເທດໃນໂລກໃຫ້ຄວາມສຳຄັນທີ່ສຸດ ເພາະເປັນວຽກງານຫຼັກໃນການຮັບປະກັນມາດຕະຖານເຕັກນິກ, ຄວາມສາມາດຂອງອຸປະກອນ, ຄວາມປອດໄພຂອງອຸປະກອນ, ເພື່ອໃຫ້ການປົກປ້ອງຜົນປະໂຫຍດອັນຊອບທຳໃຫ້ແກ່ຜູ້ອຸປະໂພກ, ການປ້ອງກັນອຸປະກອນລອກຮຽນແບບ(ຂອງປອມ), ການປ້ອງກັນຄື້ນຄວາມຖີ່ລົບກວນຂອງວຽກງານເຕັກໂນໂລຊີ ແລະ ອື່ນໆ. ຜ່ານມາ ສປປ ລາວ ເຖິງວ່າຈະມີກົດໝາຍ ແລະ ລະບຽບການຕ່າງໆ ທີ່ກຳນົດການຄຸ້ມຄອງວຽກງານ ການກວດກາ ແລະ ຢັ້ງຢືນມາດຕະຖານເຕັກນິກອຸປະກອນໂທລະຄົມມະນາຄົມ ແລະ ICTແຕ່ການປະຕິບັດວຽກງານຕົວຈິງແມ່ນຍັງບໍ່ສາມາດຈັດຕັ້ງປະຕິບັດໄດ້ດີເທົ່າທີ່ຄວນ.

         ພິທີລົງນາມເຊັນສັນຍາດັ່ງກ່າວໄດ້ຈັດຂຶ້ນໃນວັນທີ 30 ພຶດສະພາ 2022, ທີ່ຫ້ອງປະຊຸມຂອງກະຊວງເຕັກໂນໂລຊີ ແລະ ການສື່ສານ ຕາງໜ້າລົງນາມເຊັນສັນຍາໂດຍທ່ານ ໄຊລືຊາ ອິນສີຊຽງໃໝ່, ຫົວໜ້າກົມຄື້ນຄວາມຖີ່ວິທະຍຸສື່ສານ ແລະ  ທ່ານ ຂັນທອງລືໄຊ ອິນທະວົງ, ປະທານ ບໍລິສັດ ລືໄຊ ຈະເລີນ ຈໍາກັດ ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກຕສ, ທ່ານ ປອ. ສັນຕິສຸກ ສິມມາລາວົງ, ຮອງລັດຖະມົນຕີ ກຕສ, ບັນດາຫົວໜ້າຫ້ອງການ, ກົມ, ສູນ, ສະຖາບັນ, ຕາງໜ້າຈາກບໍລິສັດ ແລະ ພ້ອມດ້ວຍແຂກຖືກເຊີນເຂົ້າຮ່ວມ.

         ພ້ອມດຽວກັນນັ້ນ, ທ່ານ ຂັນທອງລືໄຊ ອິນທະວົງ, ປະທານ ບໍລິສັດ ລືໄຊຈະເລີນ ຈໍາກັດ ຍັງໄດ້ກ່າວວ່າ: ວຽກງານການກວດກາ ແລະ ຢັ້ງຢືນມາດຕະຖານເຕັກນິກອຸປະກອນໂທລະຄົມມະນາຄົມ ແລະ ICT ເປັນວຽກງານທີ່ທຸກປະເທດໃນໂລກໃຫ້ຄວາມສຳຄັນທີ່ສຸດ ເພາະເປັນວຽກງານຫຼັກໃນການຮັບປະກັນມາດຕະຖານເຕັກນິກ, ຄວາມສາມາດຂອງອຸປະກອນ, ຄວາມປອດໄພຂອງອຸປະກອນ, ເພື່ອໃຫ້ການປົກປ້ອງຜົນປະໂຫຍດອັນຊອບທຳໃຫ້ແກ່ຜູ້ອຸປະໂພກ, ການປ້ອງກັນອຸປະກອນລອກຮຽນແບບ(ຂອງປອມ), ການປ້ອງກັນຄື້ນຄວາມຖີ່ລົບກວນຂອງວຽກງານເຕັກໂນໂລຊີ ແລະ ອື່ນໆ. ຜ່ານມາ ສປປ ລາວ ເຖິງວ່າຈະມີກົດໝາຍ ແລະ ລະບຽບການຕ່າງໆ ທີ່ກຳນົດການຄຸ້ມຄອງວຽກງານ ການກວດກາ ແລະ ຢັ້ງຢືນມາດຕະຖານເຕັກນິກອຸປະກອນໂທລະຄົມມະນາຄົມ ແລະ ICTແຕ່ການປະຕິບັດວຽກງານຕົວຈິງແມ່ນຍັງບໍ່ສາມາດຈັດຕັ້ງປະຕິບັດໄດ້ດີເທົ່າທີ່ຄວນ.

         ພິທີລົງນາມເຊັນສັນຍາດັ່ງກ່າວໄດ້ຈັດຂຶ້ນໃນວັນທີ 30 ພຶດສະພາ 2022, ທີ່ຫ້ອງປະຊຸມຂອງກະຊວງເຕັກໂນໂລຊີ ແລະ ການສື່ສານ ຕາງໜ້າລົງນາມເຊັນສັນຍາໂດຍທ່ານ ໄຊລືຊາ ອິນສີຊຽງໃໝ່, ຫົວໜ້າກົມຄື້ນຄວາມຖີ່ວິທະຍຸສື່ສານ ແລະ  ທ່ານ ຂັນທອງລືໄຊ ອິນທະວົງ, ປະທານ ບໍລິສັດ ລືໄຊ ຈະເລີນ ຈໍາກັດ ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກຕສ, ທ່ານ ປອ. ສັນຕິສຸກ ສິມມາລາວົງ, ຮອງລັດຖະມົນຕີ ກຕສ, ບັນດາຫົວໜ້າຫ້ອງການ, ກົມ, ສູນ, ສະຖາບັນ, ຕາງໜ້າຈາກບໍລິສັດ ແລະ ພ້ອມດ້ວຍແຂກຖືກເຊີນເຂົ້າຮ່ວມ.

ແຫຼ່ງ: ກະ​ຊວງ​ເຕັກ​ໂນ​ໂລ​ຊີ ແລະ ການ​ສື່​ສານ/ 31/05/2022